Laurdag 7.juni Kl 18:00 Norheimsund idrettshall
Pris: 300,- / 150,- for studentar og dei i grunnskulealder
HARDINGAR PÅ HARDINGTONAR
Hardanger Big Band (HBB) starta hausten 1987 som Jondal Storband, av eldsjel og musikar Arild B. Nielsen. Han har i alle år vore musikalsk leiar og motivator, stadig open for nye prosjekt og samarbeidskonstellasjonar. Forutan Arild, har pianisten Gro vore med sidan oppstarten i 1987! Det kan òg nemnast at Herborg Kråkevik byrja si karriere her, som den aller fyrste vokalisten i storbandet. Medlemmene kjem frå begge sider av Hardangerfjorden og frå Bergensområdet, og HBB er dermed det einaste region-storbandet i Hardanger i kontinuerlig drift gjennom 38 år.
HBB har hatt prosjektsamarbeid med kjente musikarar som Kenneth Sivertsen, Frank Brodahl, Gisle Torvik, Bendik Hofseth og Jens Wendelboe. Prosjekta har leia bandet til konsertar på Kongsberg Jazzfestival, Vossajazz 2010 og 2019, Lillestrøm Storbandfestival, Oslo konserthus, Berlin Big Band Award for å nemna nokre få. Innimellom spelar bandet både til dans og underhaldning.
Samarbeidet med jazzgitaristen Gisle Torvik (frå Tørvikbygd) i 2014, førte til nykomponert musikk – som me gav ut på plata «Kryssande».
Eit svært fruktbart samarbeid med jazzsangerinne Nina Jori Pedersen (frå Grimstad/Roma) dei siste åra, har gjeve HBB fleire konsertturnèar, både i Italia og her på Vestlandet. Nykomponert musikk spesialskreve for bandet har ført fram til digital innspeling, som er under arbeid.
Storbandet fekk i 2003 Jondal kommune sin heiderspris, og i 2021 blei Arild B. Nielsen heidra med Norsk jazzforum sin storbandpris.
Til Hardingtonar kjem Hardanger Big Band med musikalske smakebitar frå ulike prosjekt gjennom 38 års fartstid. Publikum vert teken med på ei reise frå Duke Ellington sitt univers, via italiensk bossa, fiolinmelodiar, folketoneinspirert bestillingsverk og store vokalprestasjonar. Varmt velkomne!
Besetning Hardingtonar:
Arild B. Nielsen musikalsk leiar, solist på trompet / flygelhorn
Anne Cathrine Eiken vokalsolist
Helge Stokke fiolinsolist
Saxofoner Angunn Handegard Trå
Tore Gjelsvik
Ingvill Morlandstø
Anne Karin Stormyr
Ann-June C. Fykse
Tromboner Olai Mostad
Trond Steinstø
Grete Iversen Lillefosse
Tuba Bendik Vestrheim
Trompeter
Solveig-Marie Huus
Tone M. Belsnes
Åse Karin Strønen
Gitar Bård Aarvik
Bass Stewart Barry
Piano Gro Belsnes Eide
Trommer Lars Håvard Birkenes
Lyd _____
Arild B. Nielsen kommer fra Bergen. Hans tilknytning til Hardanger er som grunnlegger og rektor av Jondal Kulturskule, dirigent og musiker i Hardanger Big Band, og medlem i Hardingpuls gjennom 40 år. Han har sin utdanning fra Musikkonservatoriet i Tromsø – Bergen, og fra Høgskulen i Bø. Han har i tillegg studert kammermusikk med Philip Jones i London. Hovedinstrument er trompet/flygelhorn. Han har markert seg som musiker, dirigent og pedagog, og har medvirket under konserter i inn og utland, i Sverige, Danmark, Skottland, Italia, og ved Festspillene i Nord Norge, i Universitetets aula i Oslo, osv.
Han har vunnet flere musikkpriser, inkludert «Storbandprisen» i 2021, fra Norsk Jazzforum. Karrieren har strukket seg fra klassisk musikk til improvisert musikk og jazz.
«I min verden som utøver av musikk er målet å skape gode og spennende opplevelser for dem som kommer for å høre på, gjerne med improvisert musikk», sier Arild.
Sopranen Anne Cathrine Eiken kjem frå Norheimsund i Hardanger. Ho tok mastergraden i utøvande klassisk song ved Griegakademiet i Bergen, og har fleire år bak seg med konsertar i inn- og utland.
Dei siste åra har sopranen også utforska jazzsjangeren. Dette har ført til konsertar med fleire ulike jazzensembler, og dei siste to åra har Anne Cathrine vore fast vokalist i Hardanger Big Band.
I fjor høyrde me hennar klassiske stemme som Solveig i «Peer Gynt» av Edvard Grieg, under opningsskonserten med Bergen filharmoniske orkester.
På årets festival får me gleda av å høyra henne som jazzvokalist saman med Hardanger Big Band under leiing av Arild B. Nielsen.
