Laurdag 7. juni kl 15:00, Kabuso
Pris: 250,- / 150,- for studentar
På grunn av sjukdom i Ensemble Eon blir programmet endra til Duo-konsert med Mara Haugen og Sebastian Dørfler.
På programmet står verk av Reinholdt Gliére, Zoltán Kodály, Harald Sæverud, mm.
Mara Haugen fullførte sin mastergrad i utøvande klassisk fiolin frå Griegakademiet i Bergen i 2015 under Ricardo Odriozola og David Stewart, samtidig som ho utvida sin musikalske horisont ved å spele i Bergen Filharmoniske Orkester. Allereie frå ung alder har Mara vore særleg interessert i kammermusikk og samtidsmusikk, og ho vann fleire prisar for sitt kammermusikkspel, mellom anna 1. premie og Grand Prix i “The II International Festival – Competition of Chamber Music for Young Performers” i Latvia. Dei siste åra har Mara aktivt bidratt til å fremje norsk samtidsmusikk og spelt med fleire ulike kammerensembler både i Noreg og utanfor landets grenser, og trioen Ensemble Eon markerer seg på Vestlandet.
Ho har bidratt på fleire CD-innspelingar, der dei siste innspelingane er blitt anerkjende nasjonalt og internasjonalt. I 2019 blei «Chamber Works No. VI» av Ketil Hvoslef nominert til Spelemannprisen, og same komponists plate «Chamber Works No. VII» i tillegg til «Svev: Chamber Works by Knut Vaage» fekk nominasjonar til den prestisjefylte musikkprisen Opus Klassik i 2021.
Sebastian Dørfler har vakse opp som cellist i familien sin eigen strykekvartett. Etter studiar i New York og Berlin har han opptredd både som orkestermusikar og som solist med dei viktigaste dirigentane (frå Boulez til Harnoncourt, frå Abbado til Mehta) i verdas viktigaste klassiske konsertsalar, inkludert Concertgebouw, Elbphilharmonie, Musikvereinssaal, Royal Albert Hall og Suntory Hall. Han har spelt med Berliner Filharmonikerne og med dei 12 Cellistane av Berlin Filharmonien, og han har vore tilsett i Deutsche Oper og som solocellist i Bergen Filharmoniske Orkester. Sebastian har opptredd med celloen sin i 29 land. I 2019 blei han historisk som den første cellisten frå Skandinavia til å framføre samtlege av Bachs cello-suiter på ein konsert i New Yorks Carnegie Hall. Han har undervist ved Barratt-Due Institutt, Griegakademiet, Langhaugen skole, mm. Dei seinaste åra har Sebastian vigd si tid til kammermusikk, solooppdrag og undervising.
